روز و
ساعت مانده تا پایان مهلت ارسال اثر
انّا علی العهد
—
شالت إضعونه و گلبي ما هووَّد ونينه
نوحي و انوح اوياچ يا زهره الحزينه
—
يمچ شريچة ضيمكم، انه ام إلبنين
وينود گلبي و ونته لونينچ امعيين
ما غفت عيني و سلهمت لمن سرىٰ حسين
و انظر شبح موت و يحوم اعله الضعينه
—
ما هدت شوغه گلبي، لا كف دمع العيون
يأم الحسن چن بسفرهم هذا يبطون
چنها حرب تنطرهم و وياهم ام عون
گلبي مثل گلبچ، عليها الله يعينه
—
ربيت فرسان أربعة و غذيتهم زود
عن لا يمر زينب خطر، محروسه الحدود
يازهره وصيت الگمر، يرخصها الإزنود
وصيته كون لخدر زينب، يطي عينه
—
حَل رايته إلزينب و حَظَّرها جربته
و مَدها سِتر خافن يبان إخيال لأخته
زَمجَر وسل سيفه ولبس درعه و درگته
مثل الأسد، وين الگدر يوصل عرينه
—
عباس (گتله): يا تعب سهر الليالي
لا تعز غالي، والخدر بس هو غالي
من گال إبشري، هوَّدت و ارتاح بالي
لاچِن على زينب، يرف گلبي بحنينه
—
رَف گلبي وي گلبچ، يزهره وفَرهِده الخوف
گالو وصل سباح گلبچ لأرض الاطفوف
وگالو العسكر حاط بي برماح و اسيوف
يشكي العطش، و الماي عنهم مانعينه
—
أمن الذَبح چن إحسين، ما يسلم يزهره
و چن زينب، يمرن عليها ايام گشره
ضليت اشوغ اعله الدرب، حسره اعله حسره
والناعي ردلي حسين، بالطف ذابحينه
—
بألامس كسرولج ضلع، للحين موجوع
إمن الخيل بالطف، ما بقت لحسينچ إضلوع
وي چتل محسن، رد نحر عبدالله مگطوع
نوحي وانوح اوياچ، يا زهره الحزينه
—